Transcription
1
Reçue à Grenoble, le 05 mars 1573.
2
Monseigneur, je n’ay volu failhir vous escripre estant arrivé
3
en ceste ville avec ma compagnie. J’ay vizitté la ville avec
4
messieurs les consulz et recherché ce que pourroict importer
5
pour la garde d’icelle ; tellement que avois trouvé ung
6
petit bastiment qu’est joinct aux muralhes de ladite ville
7
et hors de la ville à ung particulier d’icelle, faict
8
la tenture par le moyen duquel l’on pourroict
9
facillement dresser une escallade ou sappe de ladite
10
maison ; que comme au long vous en advertissent
11
lesditz consulz, je ne l’ay volu faire abatre, encor
12
qu’elle soit bien prejudiciable à la garde de la
13
ville, sans recepvoyr vous commandementz. J’ay prié
14
messieurs les consulz de la ville de faire accomoder
15
leurs murailhes à celle fin que les rondes puissent
16
passer à l’entour desdites murailhes, et des
17
santinelles. Ilz les font acoustrer tant qu’ilz
18
peuvent que sera une grande asseurance pour la ville,
19
mais qu’il soit achevé. Je ne suis faict bailher
20
le nombre aux consulz de ceulx qui ne sont pas
21
catholizés. Et quand à ceulx qui font la garde
22
de la ville ilz n’ont aulcunes armes qu’ung baston
23
blanc qu’ils portent à la garde. Si vous seigneurie
24
treuvoyt bon que je leur commandasse d’avoyr des
25armes je ne [barré : fault ] fauldroys d’hobéyr à voz
26
commandemens. Il y a en ceste ville deux saulpetriers
27
qui sont de la relligion qui ont faict vante de quelque
28
somme de saulpètre à sertains marchans de Lion
29
qui se disoient d’estre commissaires du roy. Cependant
30
[210 v°] j’ay esté adverty qu’il en ont vendu ailheurs mesmes
31
à de marchans de Roumans. Parquoy, s’il plaisoit
32
à votre seigneurie que je ne laissasse sortir aulcung
33
salpètre ne pouldre sans bonne sertiffiance
34
et asseurance de ceulx que le recoyvent pour le service
35[barré : service ] du roy. Messieurs les consulz m’avoyent prié de
36
rechercher les armes par toutes les maisons
37
des huguenotz suspectz à quoy n’ay volu bouger
38
sans entendre vouz commandementz. L’on m’a
39
adverty que ceulx de la relligion hont envye de
40
se saysir de Bourdeaulx et encores qu’il soit ung
41
peu desmantellé, il seroit aysé à le fortiffier
42
bien tost à ce qu’on m’a dict, actendu aussy la
43
bonne volenté de ceulx de la ville que tienent
44
fort le nez, que seroit chose que fascheroit tout
45
ce pays. Messieurs les consulz m’aviont prié de recepvoyr
46
de ceulx qui sont catholizés à la garde pour les mesler
47
parmy les autres, de quoy je n’ay volu faire sans en
48
advertir votre seigneurie. Ceulx qui sont catholizés
49
m’ont prié de leur voloyr permettre de achepter des armes
50
à quoy je ne leur ay faict responce sans recepvoyr voz
51
commandemantz. Il n’y a autre chose de noveau, monseigneur,
52
qui merite vous escripre en attendant vous commandementz,
53
comme celuy qui desire vous faire très humble service. Je fineray
54
la presente, priant Dieu,
55
monseigneur, qui vous doinct santé, très heureuse et longue
56
vie et à moy ce bien que de vous demeurer très humble
57
serviteur. A Dye, ce IIIe de mars 1573.
58
Votre très humble et très hobeyssant serviteur
59
Mayres